Śwjynto noc

Noc sie już zrobiła
Gwjozdeczki blyskajóm
Jozef i Maryja
W Betlejym mjyjsca szukajóm

Wszyndzi je ciasnota
Do nich mjyjsca ni ma
Co terozki pocznóm
Jak już noc i cima

Kajś tam kole mjasta
Szopka uwidzieli
Chocioż je niechersko
Łodpoczynek bydóm mjeli

Nie twało to wjela
Aniół łoznajmuje
Że Pónbóczek s nieba
Na śwjat sie rychtuje

Wjelki blask we szopce
Niebo fest jaśnieje
Śpjyw anielski słyszeć
Ludzie wylynkani
Co sie tam to dzieje ?

Blisko do szopeczki
Pastuszki tam majóm
Lecóm wartko wszyjscy
Jezusiczka już witajóm

Radość wjelko wszyndzi
W niebje i na ziymi
Bozinka je we żłóbeczku
Cołki śwjat sie mjyni

Urszula Oślislok