Andrzejki

Na śwjyntego Andrzeja

kożdo frela mo nadzieja

że karlusa se wywróży

co s nióm bydzie jak najdłuży

Tuż sie już dziołchy szykujóm

wosk ze śwjyczki wykapujóm

klucza s dziurkóm szukajóm

bo tera yno wszyndzi patyncioki majóm

Jeszcze szczewik s lewej nogi

do przeleziynio przez chałpy progi

bydóm se frele jich łukłodały

kjero na bezrok sie wydo bydóm wjedziały

Kjej jim mało jeszcze je

łszkrabiny s jabka robjóm se

co by poznać mjano chłopa

s kjerym w życiu bydzie dobrze abo łutropa

A kjej cima je na dworze

kaj pjes szczeko ło tyj porze

uszy bydóm szpicowały

s kjerej stróny szczek słuchały

Na Andrzeja ubaw bydzie

i porzykać se tyż przydzie

co by wszysko sie spełniło

i szczynśliwe życi w pszociu było

Urszula Oślislok