Chnet chojinka łobstojymy

Do betlyjki Jezuska wsadzymy
Potym se kolyndy pośpiywomy
Ło świyntach se połosprawiomy
Wszyndzie swojego Jezuska majom
Rostomajcie Go przedstawiajom
Jest czorny, żołty, jest i Eskimos
Ale nojlepszy to jest tu u Nos
Wiy to kulawy, puklaty i tyn bez łoka
Że My momy Jezuska Ślonzoka
Trombcie janioły na wszystke strony
Że My tukej Jezuska Ślonzoka momy
Piykno pod chojinkom stoji betlyjka
Jest tyż i Zefek jest tyż Maryjka
Na sianku tam leży goły Jezusek
I połno Naszych ślonskich pastuszek
Ślonsko chojinka, ślonsko betyjka
Ślonske łowieczki, Zefel i Maryjka
Ślonske kolyndy, ślonski pastuszek
A we kolybce leży ślonski Jezusek
Czego cza wiyncy? Chyba niczego
Jyno szacunku dlo Ślonska Noszego