Kedy tak pacza na tyn świat
Połny złości, fałszu i zdrad
To mie zaroz pieron biere
Co sie z ludźmi teroz dzieje
Zowiść, haje, brak szacunku
Boże! czy już niy ma ratunku?
Lepi już niy bydzie yno gorzy
Połno bandytow sie nom mnoży
Strach wyłazić we wieczory
Bo ci ktoś może wypruć bachory
Tam kajś łojciec zabioł syna
A kaj indzi zaś inkszo scyna
To dwa braciki sie pobiyli
Potym do kupy matka zabiyli
Ty na to paczysz moj Boże
Czy już nic nom niy pomoże
Jak sie my niy poprawiymy

Cołke życie przepieprzymy
Bo jak tak pacza na tyn świat
To do mie jest wrogym nawet brat.