Inkszy Świat

Miyndzy łōżkym a gibsdekōm
Zawar sie świat mały
Miyndzy bōlem a kroplowkōm
Anioły furgały

W biołych szatach kajś na wiyrchu
Fiończynie słyszałach
Kej drzymałach umynczono
W śniku wygrywałach

Miyndzy łōżkym a gibsdekōm
Kajś wołanie kajś ślimtanie
Zimne jegły prujom żyły
Serca tyntniōm... spomoż Panie

Świat sie zawar tukej inkszy
Miyndzy łōżkym a gibsdekōm
Szukom dźwiyrzy macōm klamka
Dziynnie ze pokorom czekōm

Już mōm w gorści mocno trzimia
Nowe życie bez prziwyku
Siyły we tym yno prosza
Bo chca wygrać jako w śniku...

autor

Barbara Politaj