Siedzi staro matka festy zapłakano
Przez swoje dziecka downo zapomniano

Syn kajś w Hameryce jachty se kupuje
Cera zaś w Rajchu nocami baluje
Niy miarkujom że tu staro matka majom
Łod lot tu do ni już niy zaglondajom
Siedzi staro matka, przez płaczki sie śmieje
łoglondo zdjyncia i spomino stare dzieje
Jak tuloła swoje dziecka, jak im śpiywała
Żeby boły czyste, na warzbrecie prała
Niy jedna nocka przi nich przesiedziała
Sama niy dojodała bo dzieckom łostawiała
Terozki synuś jak panisko se żyje
Wszystkego mo kupa, dobrze żre i tyje
Zapomnioł ło Ty co go urodzioła
A łobiecywoł że dobrze se bydzie żoła
Cera tyż dużo matce nałobiecywała
Jak sie ustawioła to już zapomniała
Biydno, staro matka, życiym tym styrano
Marzy że usłyszy zarozki słowo-MAMO!!!
Legła se na łożku, westchnoła w ciyrpiyniu
Ze zdjynciym dziecek w rynce,
ODESZŁA W MILCZYNIU.