Roz jedyn stary Mikołoj Śiynty
Czytoł jake to dziecka, chcom mieć prezynty
Ola chce misia, Marysia lalka
Małego psioka chce mama dlo Darka
Tomek chce ałto, take na baterie
Ale nikery to mo richtich fanaberie
Bo jak dali czytoł listy te
Zrobioło Mu sie pierzińsko źle
Tyn chce komputer, tyn laptopa
Tyn skuter śniyżny a tyn robota
Co bydzie za niego robioł zadania
Sprzontoł i rano robioł śniodania
Ryknoł Mikołoj "co wy to chcecie"!
Przeca mom srogo dziura w budżecie
Chyba dom rozga bo dojś już tego
Niy wykorzystu

jcie Mikołaja Świyntego
Poproście ło zdrowie dlo cołki rodziny
Szlyndzuchy i sonki co uciecha do tyj zimy
Ło chyńć do nauki co szostki prziniesie
Małym gyszynkym sie festy cieszcie
Mikołoj zrobioł narada z Elfami
Zrobcie mi paczki yno z maszkytami
Dzieckom na listy tak łodpedzioł
Niy byda wiecznie cicho siedzioł
Jak w prziszłym roku grzeczne bydziecie
Wezna se pożyczka, wszystko dostaniecie
Niy myślcie że jo Mikołoj chocioż Świynty
To stać mie na take droge prezynty.