Nasza  szkoła

Nasze starziki cie murowali
Cegła za cegłom procnie dowali
Jeszcze przed wojnom cie postawili
By jejich dziecka sie sam uczli
I za patronka łobrali św Jadwiga
Co by żodyn sam łod nauki sie nie migał
Już dużo roków ciebje klupnyło
Dziecek dużo sie wyszkoliło
Rechtorów tyż żeś zocnych wydała
I dyrechtorów sie doczekała
Ze kożdym rokym pjykniyjszo żeś
Nie tako mało jak byłaś kjeś
We zocnych murach tej naszej szkoły
W łorłów zmjyniły sie i matoły
My w zocy momy,że sam chodzymy
Kożdziutki rano zwonek słyszymy
I przykłodomy sie do nauki
Bo przeca nie som my żodne tłuki
Jak wylezymy,we śwjat pójdymy
Ło naszej szkole nie zapomnymy

Urszula Oślislok