„Na asteczku bożo krōwka
Kero furgnie drap do nieba
Za tym zŏcnym dyć ôd Boga
Malućkim krajiczkym chleba...”


Nasze krajiczki chleba

Wonionce pola żytym ,pszynicōm
Złotawe kłōsi dźwigajōm
Ku słonku gorkim ku niebu modrym
Uż ziŏrna nōm dozdrzywajōm

Ze ziŏryn mōnka biolutko bydzie
Młynorz we młynie pomele
Piekorz upieke chrupki chlebiczek
Hej bydzie żniwne-wesele

Krajiczki,konszczyczki,sznitki przezŏcne
Zdowocie sie cudym tyj ziymi
Swojske ze masłym lepsze niż maszkyt
Czowiek robotny wŏs cyni

Spōmna ōblatki jako piōreczka
Przi Wiliji łomane
Kołocze,szpliterki,babowki ,barany
We świynta bez wszystkich zjodane

Dyć nojważniejszy powszedni chlyb
Kery siyła nōm dowo
Ech niybożebne coby go brakło
Pōnbōcka ciałym sie zdowo

O Ślōnsko Ziymio mamulko gościnno
Dej nōm krajiczkōw zatela
Niych rym szykowny co chlyb wykwolo
Konszczyczkym paciyrza do nieba!


autor:
Barbara Politaj

http://slonskoziymia.com/Home/2011/08/10/festiwal-kultury-slaskiej-w-jastrzebiu-zdroju