Czorne ściany, stary prykol
Czorne łokna bez gardinek
Niy wiym czy to wczoraj czy dzisioj
Niy wiym czyś dziołcha czy synek.

Co takego wom zrobiołach

Że samotno terozki żech jest
Możno za festy ło wos dbałach
Możno pszołach wom za fest.

Godajom że świynta już idom
Kajsik przi stole siednie rodzina
Moje dziecka do mie niy przidom
Choć już wybijo moja godzina.

Jezusiyńku Ty Nasz ukochany
Coś kedyś stompoł po tyj ziymi
Wstow sie za mnom u Maryji Panny
Niych ciyrpiynie w uciecha zamiyni.

Niych te świynta bydom radościom
Z dzieckami siednońć przi jednym stole
Potym moga łodyjść z godnościom
I niych zapłaczom jak byda już w dole.