Sfadliwo

Jena Ana tako była
sztyjc by jyno sie wadziła
We krwi już i to siedziało
i pokoju nie dowało

Czy kamratce,sómsiadowi
dycki gupjo cojś tam prawi
Kamratów ni mo za wjela
bo s ni je sfadliwo frela

Dycko przeca najważniyjszo
ale do sfady je pjyrszo
Nie przepuści,nie pochwoli
wszyskich przeca yno szkoli

Spichła sie tam s jednymi
tak jak łona sfadliwymi
Trujóm wszyskich nałokoło
cołko wjeś ło pomsta woło

Nie pomoże na to nic
zróbcie sie ze tego wic
Tako rasa tyż na śwjecie
nic z tym zrobic ni mogecie

Urszula Oślislok