Życie bez przyjociela, łokropno mynka
Niy mieć bliskego to straszno udrynka
Jak mosz fajer to przidzie familijo
Życzom Ci szczynścio co z prowdom sie mijo
Nażerom sie, łopijom, toni gyszynk Ci dajom
Potym wierzcie mi, i tak Cie łobgodajom
Z przyjocielym przi tyju idzie posiedzieć
Wypłakać sie w rynkow,wszysto mu pedziec
Czy mosz na glanc czy bajzel łon to smoli
Woli sie z tobom chichrać, androny fandzolić
Ze sobom nawet prziniesie zista, bonkawa
Ty braterlingi,suchy chlyb i już jest zabawa
Podźwignie Cie zawsze jak sie przewrocisz
Jak łon źle skrynci zaś Ty Go nawrocisz
Przyjociel niy paczy czy dziyń czy noc jest
Jak poczebujesz przileci, bo przaje Ci fest
Przyjocielowi idzie z wszystkego sie zwierzyć
W łopieka nawet swoje dziecka powierzyć
Posiedzi przi Ciebie jak jest żeś festy chory
Bo przyjociel jest lepszy niźli dochtory
Prawdziwy przyjociel łoddo Ci swoje serce
Choć Ci pomoge nic w zamian łon niy chce
Ciynżko jest znolyjź prowdziwego przyjociela
Choć NIBY przyjacioł jest kole Ciebie wiela
Jak niy mosz prawdziwego to jest mynka
Jak mosz ale fałszywego to udrynka.