Translation
Dolacz do nas na Facebook
Rate
Overview
22.08.2011 (272 Days Ago)
Rym a Godka
My chcymy pamiyntać ta nasza godka Jak nóm prawioła óma , ópa ,ciotka Eli wszysko pódzie we zapómniynie Eli jak umrzymy ze godki ciynieCategories
_GS
WARKOCZ
WARKOCZ
272 days ago
1 comments
Categories:
Barbara Politaj
Tags:
WARKOCZ, barbara politaj, szlajfka, włosy, slonko.lato,
WARKOCZ
⋰⋰✿⋰⋰•¨`•⋰⋰✿⋰⋰
Letni wiater w wosy dmucho
Słōnko złoci grzeje mocka
Warkocz uplyciony z rana
Rozkosmany w ciymno nocka
⋰⋰✿⋰⋰•¨`•⋰⋰✿⋰⋰
Jak te kłōsi kajś we polu
Modrōm szlajfkōm zawionzany
Ciynżki i dozdrzywajōncy
Bez chopeczka miyłowany
⋰⋰✿⋰⋰•¨`•⋰⋰✿⋰⋰
Klojzdo z plecōw ku lajbiku
Kilo możno i caubruje
Tak rozmotlać go palcami
Se niyjedyn forszteluje
⋰⋰✿⋰⋰•¨`•⋰⋰✿⋰⋰
Zbulić co usztramowane
Myte w wonioncych kamelkach
Zwola dać złotawym welōm
Ujzdrzeć ôdmiyniono frelka
⋰⋰✿⋰⋰•¨`•⋰⋰✿⋰⋰
Autor
Barbara Politaj
Comments
Order by:
Per page:
Ulka wrote 267 Days Ago (neutral) 0Baśko mje sie yno moji warkocze spominajom,ale ty sam mosz inkszy warkocz,ja młodym frelkom by go nie jedyn chcioł rozplyś,rozkosmacić,kjeś to myli we kamelkach i inkszych miksturach,,,woniały tak fajnie,naturalnie,,,,a jo se zaro skleca mój warkocz,bydzie inkszy jak twój bo taki spominkowy,dziecinny jak mjały kjeś dziołszki,,,,,,te warkocze mi sztyjc we głowje siedzom,,,,ale tyn je pjykny,podobo mi sie0 points
Block