Zimowo szata łopatuloła familoki
Za łoknym furgajom wygłodniał

e ptoki
Zaś w izbie w kachloku łogyń buzuje
Jest piyknie i ciepło, tu sie zimy niy czuje.
Wele kachloka bajtle z matkom siedzom
Pijom kakałszale i pierniki jedzom
Suchajom matuli, jak tu downi boło
Jak tu wyglondało i jako sie żoło.
Suchajom ło utopkach, szczigach, familokach
Ło chopie bez gowy i ło inkszych ptokach
Wszystko boło inksze, teroz tego ni ma
Inksze boły czasy no i inkszo zima.
Niy ma już szlynzuchow, tamtych, ze korbkami
Niy ma gołymbnikow, tych ze gołymbiami
Niy ma już beztroski zabawy na śniegu
Lata lecom gibko, bo ludzie durch w biegu
Teroz wszyscy goniom za pijondzami
Już sie niy przejmujom głodnymi ptokami
Gańbiom sie teroz naszych familokow
Uciekajom gibko do paskudnych blokow
Niy ma nic lepszego jak zimom przi kachloku
Suchać łopowieści, ło ptokach przi familoku.